Identifikohen edhe dy gra gjermane që u kapën në Mosul

23:23 | 25 Korrik 2017
Trina Galanxhi

Katër shtetase gjermane janë në mesin e një grupi të grave që u kapën nga forcat irakiane në Mosul gjatë javës së kaluar.

Ministria e Jashtme në Gjermani ka bërë të ditur se në mesin e grave janë edhe dy gra me shtetësi gjermane, duke përfshirë edhe 16 vjeçaren  Linda Wenzel, e cila i ishte bashkuar ISIS-it gjatë vitit të kaluar, transmeton portali arbresh.info

Burime nga Ministria e Jashtme kanë thënë për ‘Reuters’ se janë idenfikuar edhe dy shtetase gjermane.

Gazeta gjermane Die Welt raportoi të mërkurën se dy prej grave vinin nga qyteti i Mannheimut në shtetin jugor të Baden-Wuerttemberg , një grua e lindur në Marok dhe vajza e saj e rritur.

Gruaja e katërt ka lindur në rajonin e Çeçenisë të Rusisë dhe është regjistruar së fundi në Detmold, në shtetin e Nordrhein-Westfalisë.

Autoritetet gjermane janë duke punuar për kthimin në vend të katër grave, të cilat u kapën me 13 dhe 14 korrik dhe aktualisht po mbahen në Baghdad./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm